Легендата на Манчестер јунајтед, Рио Фердинанд открива дека Маркус Рашфорд му го објаснил вистинското значење на неговата прослава со прстот на глава по фантастичната голгетерска серија оваа сезона.
Рашфорд е во својата најдобра форма во кариерата под Ерик Тен Хаг оваа сезона со 17 гола во 18 меча по настапот на Светското првенство во Катар. 25-годишниот англиски репрезентативец речиси секогаш прославува со прстот на главата, што потоа беше проширено кај повеќе играчи. Според Фердинанд, се работи за посочување на менталните проблеми кои тој ги имал минатата сезона.
Фердинанд во понеделникот го посети тренинг-центарот на Јунајтед во Керингтон за да следи една тренинг-сесија пред ревашнот против Барселона и имаше шанса да се сретне со Рашфорд.
„Се видов со многу луѓе во Керингтон. Прославата, се работи за менталитетот. Нели е во ред. Едноставно. Но праќа вистинска порака. Сите низ светот го копираат сега, ги гледам и јуниорите кога играат. Такво е неговото влијание“, вели Фердинанд.
