Политикологот Иво Ранѓеловиќ, гостувајќи во емисијата „Дејли Клик“ на ТВ21, зборуваше за војната помеѓу Русија и Украина, коментирајќи го користењето севернокорејски војници од страна на Русија. Според него, во воени конфликти моралот и меѓународното право се одвраќаат на страна, а единствената цел е победата.
„Кога имате војна, сè важи. Меѓународното право не постои, ниту постои љубов – постои само целта како да се дојде до победа. На фронтот гледаме и војници од Колумбија кои се борат за двете страни за пари. Дали доаѓаат од Северна Кореја или друга држава е ирелевантно. Русија го брани својот интерес по секоја цена, преку трговија или пазар со Северна Кореја. Не гледам причина тоа да биде за осуда,“ изјави Ранѓеловиќ.
На прашањето дали ова значи слабеење на Русија, тој потенцира дека ситуацијата покажува предизвици со мобилизацијата:
„Ова отвора интересна перспектива. Русија има проблем со регрутирање резервисти и цивили. Просечниот Русин живее западно и тешко може да биде убеден да земе оружје. Гледаме дека и Финска ја затвори својата граница поради масовниот одлив на Руси кои сакаат да избегнат регрутација.“
Изјавите на Ранѓеловиќ отвораат прашања за тековната состојба во Русија и за пошироките импликации на воените стратегии во конфликтот со Украина.
