Утринава, во фабрика лоцирана во скопската населба Ѓорче Петров, се случи трагичен инцидент во кој животот го загуби работник кој го управувал индустрискиот робот за пакување на готови производи.
Според неофицијални информации добиени од извори на 24Инфо, при управување со роботот дошло до несакани последици, по што системот управуван со вештачка интелигенција активирал неконтролирана секвенца која довела до смртни последици. Како дошло до инцидентот дали станува збор за технички дефект, пропуст во безбедносните протоколи или грешка во софтверот засега останува непознато.
Полицијата и инспекторатот за труд излегоа на лице место и ја обезбедија фабриката, а техничките тимови веќе работат на анализа на системот и опремата.
Очекуваме во текот на утрешниот ден да бидат објавени повеќе официјални детали за причините што довеле до трагедијата.
