Русија е во постојан контакт со генералниот директор на Меѓународната агенција за атомска енергија (МААЕ) Рафаел Гроси, бидејќи се уште не е донесена одлука за прашањето за нуклеарната централа во Запорожје, изјави денеска рускиот заменик министер за надворешни работи Сергеј Рјабков.
„Ние сме во постојана комуникација со Гроси, и за време на неговите посети на Русија и, се разбира, во согласност со нашата постојана мисија во Виена. Разговорите се во тек, тоа прашање се уште не е решено“, рече тој, пренесува ТАСС.
Рјабков рече дека руската страна на директорот на МААЕ му пренела визија за тоа како треба да изгледа и функционира безбедносната зона, вклучително и прашањето за улогата на Меѓународната агенција во целиот процес.
