Синоќа во Тузи, во близина на мешаното средно училиште „25 Мај“, се случила престрелка во која едно лице е тешко повредено, соопшти Управата на црногорската полиција. Осомничениот за кривичното дело е приведен, а од него е одземен пиштол „магнум 357“, кој ќе биде вештачен во Центарот за судска медицина при Полициската управа.
Полицијата информира дека во истиот ден во Клиничкиот центар на Црна Гора е примено лице со повреди на левото стапало, предизвикани од огнено оружје. Лицето се здобило со тешки физички повреди, вклучувајќи фрактура на коските на стапалото.
Во врска со пукањето, сослушани се четири лица, а идентификуван е и А.У. (23), кој е осомничен за употреба на оружјето. А.У. е приведен под сомнение за тешко кривично дело против општата сигурност, како и за недозволено држење на оружје и распрскувачки материи.
