Во рамки на националниот ден на тревога во Германија, денес точно во 11 часот се огласија сирените, а жителите добија дојави на своите мобилни телефони.
Станува збор за тестирање на уредот за предупредување во случај на катастрофа. Жителите на Германија треба да бидат известени за опасни ситуации во иднина со помош на разни уреди за предупредување, пишува Fenix Magazine.
За таа цел во Германија точно во 11 часот беа активирани различни уреди, како радио и телевизија, дигитални градски табли или апликации за предупредување.
За првпат во Германија највисокото ниво на предупредување беше испратено до десетици милиони мобилни телефони.
Никој не треба да инсталира апликации за да биде предупреден, а пораката стигна и до луѓето кои користат мобилен, а не паметен телефон.
