Попладнево во Приштина се одржува собир за поддршка на ветераните на Ослободителната војска на Косово (ОВК) и протест против актуелните политички настани на Косово и против носењето на Законот за минимална плата, во кој не се опфатени категории на население од војната.
Претседателот на Организацијата на воени ветерани, Фатон Клинаку, рече дека тие не се организатори, туку дека го поддржуваат протестот.
Тој најави дека и ветераните на ОВК одлучиле да ја нарушат работата на Собранието на Косово додека не се исполнат нивните барања, кога и да се на седница.
Денешниот протест е поддржан од дел од опозициските партии.
Ветераните на ОВК и опозицијата го обвинуваат владејачкото движење „Самоопределување“ дека се договорило со Српската листа да ги изземе ветераните од Законот за минимална плата.
