Француската крајнодесничарска партија на Марин Ле Пен повика на протестен митинг во Париз денеска, откако судот и забрани да се кандидира на следните претседателски избори во Франција.Партијата Национален митинг очекува меѓу 8.000 и 10.000 учесници, објавија медиумите, повикувајќи се на партиски претставници.
За денеска се планирани и две контрадемонстрации. Француската левичарска партија „Непоклонета Франција“ и „Зелените“ повикаа на протест против крајната десница на централниот плоштад.
Во меѓувреме, приврзаниците на партијата „Ренесанса“ на претседателот Емануел Макрон планираат да демонстрираат пред закажаниот партиски состанок на периферијата на градот.
Полицијата соопшти дека ќе излезе со полна сила за време на протестите.
Во понеделникот, судот ги осуди Ле Пен, нејзината партија и други партиски функционери за проневера на средства на ЕУ. Таа е осудена на делумно условна затворска казна и забрана за учество на избори во траење од пет години.
Додека затворската казна е условна поради жалба на Ле Пен, забраната за избори стапува во сила веднаш. Следните претседателски избори се во 2027 година.
Ле Пен се плаши дека дури и ако победи на жалба, долгиот правен процес би можел да ја спречи да застане за две години.
Апелациониот суд во Париз сепак изјави дека има намера да донесе одлука до средината на 2026 година.
