Рускиот генерал-мајор и началник на штабот на 35. здружен корпус, Сергеј Горјачев, наводно бил убиен вчера во ракетен напад на југот на Украина, пишуваат проруските воени блогери.
Горјачев ја почна инвазијата на Украина како командант на 5. посебна тенковска бригада и неодамна беше унапреден во началник на Генералштабот на 35. бригада.
Горјачев, кој, како што пишува „Телеграф“, е најмалку петтиот висок руски генерал што загинал во Украина, претходно служел во Приднестровие и во Таџикистан.
Засега нема официјална потврда за неговата смрт, а „Телеграф“ не може самостојно да ги потврди овие тврдења.
Украина почна контраофанзива во последните денови и тврди дека повторно освоила најмалку три села.
