Телата на пет скијачи се пронајдени во близина на луксузниот скијачки центар Цермат во Швајцарија, потврдија локалните власти.
По алармот од планинари кои се искачувале на врвот Римпфишхорн (4.199 м), биле откриени неколку напуштени парови скии близу врвот. Тоа го покренало воздушното и копнено пребарување, што завршило со трагично откритие на глечерот Адлер, соопшти полицијата на кантонот Вале.
Жртвите биле пронајдени на различни надморски височини, на остатоци од лавина, во високи и тешко пристапни делови блиску до швајцарско-италијанската граница. Три тела биле најдени на една локација. Две тела биле повисоко, на тесна снежна површиna. Пронaјдени се пет пара скии, што потврдува дека се работи за една група
Идентитетот на жртвите сè уште не е официјално објавен, а јавниот обвинител отвори истрага за околностите на несреќата.
Цермат е познат како еден од најексклузивните скијачки ресорти во Швајцарија, омилен кај богати туристи од Велика Британија и Европа. Но, искачувањето на Римпфишхорн е предизвикувачка авантура, која бара околу пет часа пешачење и ноќевање во планински дом.
Во посебен инцидент во петокот навечер, четворица алпинисти беа заглавени на врвот Фишерхернер, во лоши временски услови со магла и силен ветер. Првиот обид за спасување беше неуспешен, но Air Zermatt успеа да ги евакуира по полноќ.
