Стокхолмската полиција соопшти дека уапсила неколку лица откако минатата недела во парк во главниот град на Шведска беше пронајден експлозив и дека истрагата продолжува.
Полицијата не соопштува детали за потенцијалната цел или мотив, но наведува дека засега нема сомнеж дека се работи за терористички напад.
Во неделата, на 21 август, полицијата уништи торба со експлозив во паркот, кој беше едно од местата за фестивалот на културата.
– Од неделата интензивно работиме со големи ресурси и со сето стручно знаење што го поседуваме – соопшти вечерва стокхолмската полиција.
Отворена е прелиминарна истрага додека опасниот објект се анализирал во Националниот центар за форензика за да се утврди, меѓу другото, неговата функционалност.
– Засега не знаеме кога ќе биде завршена анализата – соопштија од полицијата,пренесе Блиц.рс.
