Денес, Занаетчиската комора на Република Северна Македонија во обновените простории на месната заедница во општина Гази Баба ќе го претстави тренинг центарот, посветен на обука на занаетчиите.
Според информациите од ЗКРСМ, тренинг центарот претставува стартна точка за зајакнување на занаетчискиот сектор, место каде што ќе се изведува практична обука наменета за млади луѓе и жени од локалната заедница.
На церемонијата ќе има обраќања од градоначалникот на Општина Гази Баба, Бобан Стефковски, амбасадорот на Република Словенија, Грегор Прескер и претседателот на ЗКРСМ, Агрон Фазлији.
На промоцијата на тренинг центарот ќе присуствуваат и претставници од релевантните министерства и институции кои пружаат помош за унапредување на занаетчиството и образовните програми.
