Времето денеска ќе биде променливо облачно со повремен локален слаб дожд, а на планините претежно во западните и северните делови со слаб снег.
Кон крајот на денот и во текот на ноќта поради значително заладување, во северните делови ќе има услови за провејување на снег и на повисоките места.
Ќе дува умерен, а во западните делови повремено засилен ветер претежно од југозападен правец.
Минималната температура ќе биде во интервал од 2 до 7, а максималната ќе достигне од 8 до 14 степени.
Во Скопје променливо облачно со услови за слаб дожд. Ќе дува умерен југозападен, а кон крајот на денот северен ветер. Минималната температура ќе се спушти до 4, а максималната ќе достигне до 11 степени.
