Полициски службеници од Отсекот за општ криминал при СВР Штип, по преземени оперативни мерки и активности, расчистија 16 кривични дела тешка кражба од куќи, возила, градежен објект, продавница и од лабораторија во Клиничката болница Штип, извршени на територијата на град Штип при крајот на минатата и почетокот на годинава.
Поради постоење основи на сомнение дека се сторители на делата, од слобода биле лишени Н. И. (23), Е. Ј. (18), С. Н. (31), А. М. (39), Н. М. (41) и двајца малолетници, сите од Штип. Во службен разговор во полициска станица тие ги признале кривичните дела.
Повеќето од украдените предмети биле пронајдени, одземени и вратени на оштетените граѓани. Според полицијата, по комплетирање на случаите, против лицата ќе бидат поднесени соодветни кривични пријави.
