Почлицијата вчера приведе двајца крадци од Скопје, на возраст од 31 и 36 години.
Според информациите од МВР станува збор за лица со иницијали И.И. и С.А. кои украле поголем број предмети од куќа.
„За кратко време на подрачјето на Бит Пазар во Скопје е пронајдено возилото „форд мондео“ со скопски регистарски ознаки, со кое е извршено кривичното дело, а кое го управувал И.И.. Тој е приведен во полициска станица и при извршен службен разговор го појаснил начинот и времето на извршување на кривичното дело. Малку подоцна е приведен и С.А. кој, исто така, во службен разговор го појаснил времето и местото на извршеното кривично дело, а украдените предмети се пронајдени и вратени на сопственикот“, соопшти МВР.
По комплетно документирање на случајот против лицата ќе биде поднесена кривична пријава за сторено кривично дело „кражба“, по член 235 од Кривичниот законик.
