Приведен е 43-годишен жител на Росоман, кој пред два дена го нападна снимателот на ТВ „24“ додека снимал инсерти од сообраќајна несреќа.
Од МВР информираа дека полициски службеници од ОВР Кавадарци го лишиле од слобода Љ. Р. (43) од Росоман.
Тој на 18 јули на излезот од Росоман агресивно се однесувал кон новинар на телевизиска екипа, кој снимал инсерти од сообраќајна незгода, а потоа ја оштетил и неговата камера.
Лицето е приведено во полициската станица во Кавадарци и по целосно документирање на настанот, ќе следува соодветна пријава, се вели во информацијата од МВР.
