Американскиот претседател Џо Бајден ја критикуваше воената стратегија на Израел во Газа, оценувајќи дека пристапот на израелскиот премиер Бенјамин Нетанјаху е „погрешен“. „Мислам дека тоа што го прави е погрешно. Не се согласувам со неговиот пристап“, рече американскиот претседател во интервју за телевизијата „Univision“. Бајден апелираше Израелците да повикаат на прекин на огнот „за да се овозможи целосен пристап до храна и лекови во следните шест или осум недели“. Бајден, претходно го нарече израелското бомбардирање во Газа „недискриминирачко“ и воените дејствија претерани. Мрежата на шпански јазик „Univision“ го интервјуираше Бајден на 3 април, два дена откако во израелски напад беа убиени седум членови на персоналот на хуманитарната група „World Central Kitchen“ во Газа.
Пристапот на Нетанјаху кон војната во Газа според Бајден е погрешен
