Пријателите на холивудската ѕвезда Џек Николсон изразуваат загриженост во врска со променетиот карактер на актерот кој старее и станува сè поповлечен, пренесуваат медиумите.
Анонимен инсајдер близок до 85-годишниот актер вели дека тој бега од реалноста и е заробен во својата луксузна палата во Малхоланд Драјв во Лос Анџелес.
„Не сака да се соочи со реалноста“, рече инсајдерот. Неговите блиски пријатели стравуваат за неговото здравје затоа што живее како осаменик. Никој не го видел од натпреварот на „Лејкерс“ во октомври 2021 година.
Медиумите потсетуваат дека помина повеќе од една година откако последен пат се појави во јавноста на натпревар на „ЛА Лејкерс“ со својот 30-годишен син Реј.
Ова појавување на славниот заводник се случи по повеќе од една година по неговото последно појавување, исто така на натпревар на „Лејкерс“ во јануари 2020 година
Во меѓувреме, проструија вести за неговото влошено здравје.
Во изјава за „Радар онлајн“ инсајдерот открива дека оние блиски до актерот – кој има шест деца од пет жени, но се оженил само еднаш – се плашат дека ќе умре осамен како и неговиот покоен пријател, легендарниот Марлон Брандо.
