Претставничката на ОН, Прамила Патен, во изјава за светски медиуми вели дека потврдиле повеќе од 100 случаи на сексуални напади во Украина и дека оваа бројка не е ни блиску до реалноста, бидејќи многу сексуални напади не се ни пријавени.
„Жените се заробени со денови, момчињата и мажите се силувани, нивните гениталии се осакатени, кога на тоа ќе се додадат сведоштвата на жените за снабдување на руски војници со вијагра, јасно е дека тоа е дел од руската воена стратегија“, вели Прамила Патен.
Жртвите се првенствено жени, додава таа, но има и мажи и деца.
Минатиот месец, истражителите на ОН во извештајот наведуваат дека руски војници силувале деца – од кои некои биле на возраст од четири години, пишува „Business Insider“ а пренесува „Дневник хр“.
