Колумбискиот претседателски кандидат Мигел Урибе Турбај (39) бил застрелан со три истрели, наводно двапати во главата, за време на кампања во главниот град Богота, објавија локалните медиуми.
Полицијата на лице место уапсила 15-годишен осомничен, јави Би-Би-Си.
Урибе бил нападнат додека се обраќал на мала група луѓе во паркот во саботата.
Неговата партија Демократски центар го осуди нападот, велејќи дека „го загрозува животот на политичкиот лидер… демократијата и слободата во Колумбија“.
На интернет е објавено видео на кое се гледа како Урибе е застрелан во главата, по што толпата панично бега.
Од болницата соопштија дека Урибе бил застрелан во коленото и двапати во главата.
🇨🇴| Este es el momento en donde las autoridades capturan al sicario de Miguel Uribe. Iba herido en una pierna.
El terorrista tiene 15 años.pic.twitter.com/9V0YqfocBq
— Agustín Antonetti (@agusantonetti) June 8, 2025
Тој со хеликоптер бил префрлен во клиниката Санте Фе, каде што се собрале и неговите приврзаници.
Колумбиската влада го осуди нападот врз Урибе како „акт на насилство не само против неговата личност, туку и против демократијата“.
Урибе потекнува од истакнато политичко семејство во Колумбија, со врски со Либералната партија, а неговиот татко бил синдикален лидер и бизнисмен.
Неговата мајка, новинарката Дијана Турбај, беше убиена во 1991 година во обид за спасување, откако беше киднапирана од нарко картелот Меделин, тогаш предводен од Пабло Ескобар.
