Голем пожар избувна во трговскиот комплекс Маривилска 44 во областа Жеран во Варшава рано утрово. Пожарот зафати повеќе од 80 отсто од зградата. Во трговскиот центар има 1.400 продавници и услужни објекти, а на терен се 50 тимови, вклучително и експерти за заштита на животната средина.
Над 200 пожарникари и десетици противпожарни возила беа ангажирани по првичниот итен повик околу 04:00 часот. Причината за пожарот се уште не е позната, нема пријавени жртви, иако покривот на комплексот се урнал.
Портпаролот на полицијата за новинската агенција ПАП изјави дека нема повредени. На снимките објавени на социјалните мрежи се гледа како густ црн чад се издига над тој дел од градот.
Надлежните преку СМС пораки го повикаа населението да остане дома и да ги држи затворени прозорците.
Трговските центри и големите продавници во Полска обично се затворени во недела поради одлука на претходната влада која имаше блиски врски со Католичката црква.
