Спасувачка акција во Балтичкото Море откако избувнал пожар на ферибот пријавен недалеку од брегот на Шведска
Три хеликоптери и седум пловни објекти почнале да спасуваат луѓе на траектот што се запалил крај брегот на Шведска, јавуваат светските медиуми.
Фериботот, со најмалку 300 луѓе и десетици возила, се запали во близина на островот Гоцка Сандон во Балтичкото Море.
„Пожарот избувна на палубата каде што се чуваат возилата“ – изјавија официјални лица за „Франс прес“.
Надлежните наведуваат дека пожарот кој избувнал околу 13 часот е ставен под контрола.
Засега не се знае дали има повредени и што го предизвикало пожарот.
