Повеќето Руси сметаат дека војната во Украина би можела да заврши во 2026 година, покажува анкета на рускиот државен центар ВЦИОМ. Според заменик-директорот Михаил Мамонов, 70% од испитаниците веруваат дека следната година ќе биде „поуспешна“ за Русија, а 55% го поврзуваат тоа со можниот крај на она што Москва го нарекува „специјална воена операција“.
Мамонов истакна дека оптимизмот произлегува од очекувањата за завршување на операцијата и постигнување на целите на Русија, додека на проценките влијаат офанзивата на руската војска, намалената финансиска поддршка на САД за Украина и ограничената способност на ЕУ да ја замени таа поддршка. Откако борбите завршат, според него, приоритет ќе биде реинтеграцијата на ветераните и обновата на контролирани украински региони и руските гранични области.
Истовремено, независниот Левада центар објави дека околу две третини од Русите го поддржуваат продолжувањето на мировните преговори, највисок процент од почетокот на конфликтот. Кремљ информира дека претседателот Путин бил запознаен со контактите меѓу руските и американските претставници околу мировниот договор и дека Москва сега ќе го формулира својот став. Путин претходно нагласи дека за мир, Украина треба да се откаже од околу 5.000 квадратни километри во Донбас и од намерата за приклучување на НАТО.
