Со пропишување на начин на исхрана превенираме, човек кој прима хемотерапија полесно ги поднесува терапиите, полесно ги поднесува зрачните терапии од причина што даваме квалитетна и здрава храна богата со калории, порача нутриционистката Билјана Ристеска во поткаст ЗРАК со д-р Марина.
Таа истакна дека 20 години работи нутриционизам, дела работела спортски и детски нутриционизам, но и декаво последно време се наметнала потребата од клинички нутриционизам.
„Во последната, 2024 година, 70 посто од моите пациенти биле болни пациенти и тоа не ме радува. Се соочувам и со тешки патолошки пациенти. Моја препорака е да не доаѓаат до терминална фаза каде веќе не можеме ништо да помогнеме ниту докторите, ниту нутриционистите. И треба да се знае дека мојата работа не лекува, затоа што многу често пациентот ќе дојде и ќе ме праша за колку време ќе ме излекувате. Нутриционизмот е наука што превенира“ порача Ристеска.
