Портпаролот на вооруженото крило на палестинското милитантно движење Хамас, Абу Обеида, е убиен вчера во израелски напад, потврди денеска палестински извор за телевизијата „Ал Арабија“.
Изворот наведе дека Израел нападнал стан во Газа каде што наводно престојувал Абу Обеида, портпарол на бригадите „Езедин ал-Касам“.
Тој додаде дека сите што биле во станот се убиени, и дека членовите на семејството на Абу Обеида и водачите на бригадите ал-Касам ја потврдиле неговата смрт откако го прегледале телото.
