Поранешниот претседател на Украина, Петро Порошенко, ги повика САД да им дадат оружје со долг дострел, со цел „да ги уништат руските магацини и командни центри на земјата агресор“.
Порошенко, исто така, истакна дека на Украина и се потребни воздушни одбранбени и борбени авиони за заштита на цивилните објекти од клучната инфраструктура, објави украинската веб-страница prm.ua.
„Оружјето никогаш не е доволно. Ние го разбираме тоа и ситуацијата се подобрува чекор по чекор. Имаме германски гепарди, IRIS-3, се надеваме дека наскоро ќе имаме американска воздушна одбрана. Сега треба да го имаме сето тоа не само на првите борбени линии, туку и за да се затвори небото на клучните енергетски инфраструктурни објекти низ целата земја“, изјави Порошенко за Си-Ен-Ен.
Тој рече дека снабдувањето со енергетска опрема и испораката на противвоздушна одбрана може да ги промени правилата на играта и „да го спречи Путин да ја нападне клучната енергетска инфраструктура“. „Покрај тоа, ни треба повеќе оружје, ни требаат борбени авиони. Тие се потребни за да се прекине доминацијата во воздухот и да се покријат украинските војници од руските напади“, додаде поранешниот претседател на Украина.
Тој им порача на Американците и дека снабдувањето со артилерија и ракетни системи со долг дострел нема да значи дека ќе има напад на територијата на Русија.
„Ние не го правиме тоа. Тоа е прашање на доверба. Украинските вооружени сили ја имаат довербата на Америка и ни требаат овие артилериски ракети со долг дострел. Можеме да уништиме складишта за руска муниција, руски командни пунктови, а тоа ќе ни помогне да ја одбраниме Украина. Тоа ќе ни помогне да ја одбраниме Европа“, истакна Порошенко.
