Поранешниот малезиски лидер Махатир Мохамад, кој има 97 години, вчера најави дека ќе се кандидира на општите избори следниот месец, иако не кажа дали сака да биде премиер по трет пат во својата политичка кариера доколку победи неговата политичка опција.
„Не сме одлучиле кој ќе биде премиер, бидејќи прашањето за мандатот е важно само ако победиме“ – рече Махатир.
АП проценува дека, иако е малку веројатно, тој би можел да стане најстариот кандидат досега за оваа позиција, која е закажана за петгодишен мандат.
Премиерот Исмаил Сабри Јакоб во понеделникот го распушти парламентот поради предвремени избори.
Изборната комисија во рок од една недела треба да го определи датумот на гласање кое мора да се одржи во рок од 60 дена од распуштањето на собранието.
Пред четири години Махатир стана најстариот премиер на светот со 93 години, но неговата влада падна во 2020 година, кога ја формираше својата партија Пежуанг, како и нов сојуз со неколку помали партии.
