Поплавени улици, откорнати дрвја, уништени автомлобили. Ваква е сликата во Скопје кое е зафатено е силно невреме проследено со интензивни врнежи, грмежи, ветер и град.
Силното невреме го поплави булеварот „Јане Сандански“, но и автомобили кои возеле во моментот кога силен град и дожд паѓаа во овој дел од Скопје. Сообраќајот е делумно блокиран.
Засега е познато дека има материјални штети, откорнати дрвја, а во делови од Скопје оштетени се и возила.
Од Центарот за управување со кризи информираат дека на повеќе места во земјава е нестабилно со пороен дожд, грмежи и засилен ветер, а во моментов јадра со поизразена нестабилност има и околу Штип, Велес, Демир Хисар и Св. Николе.
