Поларна мечка нападна и уби жена и момче во зафрлено село во западна Алјаска. Државната полиција соопшти дека примила пријава за напад во Велс, на западниот дел на полуостровот Севард, вчера околу 14:30 часот по локално време, објави новинската агенција КТУУ.
„Првичните извештаи укажуваат дека поларната мечка влегла во заедницата и бркала неколку жители. Мечката убила жена и малолетник. Животното било застрелано од локален жител при нападот врз жена и момче“, соопшти полицијата, според Скај њуз.
Имињата на загинатите не се објавени.
