Македонскиот ракомет загуби уште едно големо име. Денес почина првиот селектор на машката сениорска репрезентација на Македонија, Славе Атанасовски-Чаве. Македонија под негово водство во 1993 година го одигра првиот официјален репрезентативен натпревар на меѓународен турнир во Романија.
Атанасовски беше селектор и на женската репрезентација на Грција, а на клупско ниво тренер на повеќе македонски екипи.
Атанасовски е роден 1945 година во Скопје и својата играчка кариера ја почна во екипата на Партизан. Потоа настапуваше и за тогашниот состав на Графичар, сегашен Вардар, а беше дел и од Борец, Металург и Пролет.
