Поранешниот менаџер на Тотенхем, Маурисио Почетино, чека шанса да го преземе Челси, доколку сопствениците во брзо време решат да се разделат со Грем Потер.
Според англиските медиуми, управата на Челси му одредила рок на 47-годишниот стручњак драстично да ја промени ситуацијата со резултати и перформанси до крајот на овој месец. „Сините“ не играат според очекувањата, а лошите резултати на Челси под водство на Потер го ставија младиот стручњак под голем притисок.
Почетино е без работа од јули, кога беше ослободен од Пари Сен Жермен, па иако во моментов се верува дека Тод Боели нема намера толку брзо да го отпушти Потер, сепак, ако лошата серија продолжи тој би можел да замине.
Аргентинецот е подготвен веднаш да ја прифати работата доколку Тод Боели го побара, а неговото минато во Тотенхем нема да биде пречка, тврдат медиумите на Островот.
