Откако новинарот и граѓански активист Тони Поповски утрово излезе со видео за поддршка на кандидатурата за втор мандат на Стево Пендаровски, денеска на социјалните мрежи со своја поддршка за актуелниот претседател се јави и познатиот скопски писател Зоран Спасов – Ѕоф.
„До сега имам гласано за ВМРО, СДСМ и Анте Марковиќ. И све џабе… Овојпут ќе гласам за Стево пошто он е једини урбан лик у сите гарнитури до сеа“ напиша Спасов-Ѕоф.
Спасов додаде дека му се допаѓа што Пендаровски не се потчинува на власта и се грижи за спортот и културата.
„А, и да не го номинираат, ја ќе го допишам на лифчето, али само ако ми гарантира дека дупло поише ќе се посвети на овие две работи. Затоа, Hit the road Stevo…“ напиша Ѕоф.
Диме Спасов Ѕоф е афирмиран писател, кој зад себе има неколку книги а парите од нивната продажба редовно ги донира на ранливи категории граѓани.
Негова последна книга е „Џабе живиш у Скопљу“
