Од осамостаојувањето па до денес видовме бројни ситуации каде ВМРО-ДПМНЕ создаваше теории на заговор за уништување на нашата држава, порача носителката во шестата изборна единица на СДСМ и коалицијата Славјанка Петровска во емисијата Клик плус на ТВ21.
„По 32 години од осамостојувањето, Република Северна Македонија е целосна држава. Кај нас нема теории до Групчин и по Групчин, туку државата да е целосна. Тие теории на заговор дека еве само што не сме го изгубиле идентитетот, еве само што не снемало, гледате дека со години не проаѓаат. Овие террии на заговор ги имавме и 2020 година, ги гледавме и во 2018 година кога се потпишуваше Преспанскиот договор, за кој и тогаш и сега, СДСМ има јасен став. Велевме и велиме и јас велам, дека тоа беше една од историските многу тешки одлуки, но кога седиме на столчињата дали во владата, дали во Парламентот некогаш треба да носиме и историски и тешки одлуки. Во ниту еден момент кога бил во прашање СДСМ и изјаснувањето, токму заради оваа држава сме носеле храбри полиитчки одлуки, понекога и на штета на нашиот партиски рејтинг, што не можеме да го кажеме за ВМРО-ДПМНЕ“ рече Петровска.
Таа потсети и на бројните блокади на ВМРО-ДПМНЕ во Собранието.
„И во 2020 година, тогаш и ја бев пратеничка во собранието, кога за многу важни работи за решенија со кои требаше да им се помогне и на граѓаните и на стопанството се сеќавате дека токму ВМРО-ДПММЕ го блокираше нивното изгласување. Врв на патриотизам не е само да зборувате дека државата треба да оди напред, туку врв на патриотизам е да преземете тешка одлука за државата да оди напред“ порача Петровска.
