Возачот на Кадилак, Серхио Перез го критикуваше пристапот на Ред Бул кон своите возачи. Тој го сподели своето искуство додека беше дел од Ред Бул и клупски колега на Макс Верстапен.
– Кристијан Хорнер, поранешниот извршен директор на тимот на Ред Бул беше брутално искрен со мене за време на нашиот прв разговор. Тој рече: „Имаме два автомобила затоа што тоа е она што мора да го направиме. Но, овој проект е создаден за Макс – тој е нашиот талент.“ Можеби го имав најдобриот болид, но возев за многу тежок тим. Да бидеш партнер на Макс е многу тешко. Но, да бидеш негов совозач во Ред Бул? Тоа е најнеблагодарната работа во Формула 1. Пред да го напуштам тимот, го прашав Кристијан што ќе прават ако работите не се одвиваат добро со Лиам Лосон. Тој рече дека секогаш постои Јуки Цунода. „Што ако работите не се одвиваат добро и со Јуки?“ „Имаме доволно возачи.“ На што јас одговорив дека тимот едноставно ќе ги уништи сите. А тој едноставно рече: „Да, знам“, сподели Перез.
Мексиканецот возеше за Ред Бул од 2021 до 2024 година.
