Јавното претпријатие Паркинзи на општина Центар со апел до граѓаните.
– Како што и сами знаете, сите сме соочени со сериозна криза – еколошка катастрофа која може да предизвика тешки последици врз здравјето, пред сè на децата, но и на сите нас, на домашните миленичиња, како и на целиот екосистем. Оваа состојба не се однесува само на територијата на Општина Центар, туку ја зафаќа и целата територија на град Скопје. Ние, ЈП ПОЦ како ваш сервис кој првично е формиран за други намени, но постои и работи пред сè за да ви служи вам, во последниве недели се соочуваме со сè поголеми потешкотии при подигањето и депонирањето на насобраниот отпад, како и при спроведувањето на дезинфекција на просторите кои претходно беа затрупани со смет, наведуваат оттаму.
– Нашите хигиеничари, како што добро знаете, работат во повеќе смени – и дење и ноќе, секој ден, без прекин. Тие вложуваат надчовечки напори за да се надмине оваа тешка и сериозна состојба. Постапувајќи по заклучоците и насоките на Градоначалникот и Кризниот штаб на Општина Центар, упатуваме апел и искрена молба до сите Вас – до сите жители на Центар кои се во можност – да ни помогнат, за заедно и со заеднички сили што побрзо да ја надминеме оваа криза. Воедно, ги повикуваме и сите компании кои располагаат со соодветна механизација и опрема, да ни ја стават на располагање, со оглед дека моментално нашите ресурси не се доволни и не се предвидени за ваквата кризна ситуација, се наведува во апелот.
ЈП ПОЦ изготви дневен акционен план за сабота 25.10.2025, со прецизен распоред на пунктови и точно определено време кога и каде ќе бидат распоредени возилата и нашите екипи.
Пункт 1
Локација: Монтажна гаража зад ТЦ „Буњаковец“
