Фабио Паратичи повеќе не е спортски директор на Тотенхем. Италијанецот поднесе оставка од оваа функција откако не му беше укината 30. месечната забрана од фудбалот, бидејќи беше обвинет за проневера во неговиот поранешен клуб Јувентус.
Одлуката на Италијанската фудбалска федерација не се однесува само на работењето на Паратичи на Апенините, туку и на целиот свет.
„На Фабио не му е дозволено да ги извршува своите должности и затоа ја напушти функцијата за да не ги загрози интересите на клубот. Тој ќе ја продолжи својата борба за да ја докаже својата невиност“, се вели во соопштението на Тотенхем.
Паратичи пристигна во англискиот клуб во летото 2021 година и планот беше да се грижи за спортските работи на Тотенхем на подолг временски период.
