Бугарија нема да прави отстапки за договорите со Северна Македонија. Ова го порача бугарската потпретседателка, Ирина Јотова, која вчера на враќање од Косово допатува во Скопје на средба со претставници на бугарската заедница во Македонија.
Средбата се случуваше во зградата на бугарската амбасада во Скопје, пришто Јотова им се заблагодари на македонските бугари за храброста да ја бранат, како што рече, својата бугарска самосвест.
„Ако Бугарите не бидат запишани во Уставот, ви велам – нема да има ниту педа напредок во преговорите на Северна Македонија за европско членство. Нема да има меѓувладина конференција, нема да има извештај од страна на ЕК и мисијата на ЕК, со кои ќе се почнат вистинските преговори“, рече таа, пренесе бнр.бг.
Јотова се поклони на барелјефот на Васил Левски на зградата на бугарската амбасада во земјава.
Во врска со охриѓанецот Христијан Пендиков, бугарската потпретседателка најави дека покрај станот и обезбедувањето, бугарската држава ќе му овозможи и студирање во Софија.
