Утрински Весник
Македонија

Османи на средби со лидерите на бугарските политички партии во Софија

Османи на средби со лидерите на бугарските политички партии во Софија

Во рамките на работната посета на Софија, министерот за надворешни работи, Бујар Османи, се сретна со лидерите на главните политички партии, претставени во Народното собрание на Република Бугарија: Бојко Борисов од ГЕРБ, Кирил Петков од Продолжуваме со промената, Мустафа Карадај од Движењето на правата и слободите, Корнелија Нинова од Бугарската социјалистичка партија, Христо Иванов од Демократска Бугарија и Стефан Јанев од Бугарски подем.

dobivaj vesti na viber

На средбите се разговараше за теми поврзани со билатералните односи меѓу двете земји, обврските што произлегуваат од договорот за пријателство, добрососедство и соработка, како и за начините како да се адресираат отворените прашања што ги засегаат двете соседни држави, во интерес на нашите граѓани и нивната европска иднина.

„Без разлика на предизвиците, Северна Македонија и Бугарија мора да продолжат да ги негуваат блиските односи и соработката во духот на европските вредности. Тоа го очекуваат и граѓаните на двете земји, но и нашите партнери и сојузници. Покрај нашето сојузништво во НАТО, нам нѐ очекува и партнерство во Европската Унија, но без разлика, ние сме, пред сѐ, добри соседи и нашата амбиција не треба да биде ништо помалку од стабилно и долгорочно пријателство“, посочи Османи.

Покрај билатералните односи, на средбите се разговараше и за актуелните геополитички предизвици и за сојузништвото во НАТО, справувањето со енергетската криза, но и можностите за продлабочување на позитивниот тренд во економската соработка.

Можете да прочитате

Кривична пријава е поднесена против маж од Ново Село кој врза дете и го снимаше со мобилен

Комитетот за светско наследство на УНЕСКО го продолжи рокот за имплементација на корективните мерки за Охридскиот Регион

Филипче: ВМРО-ДПМНЕ како со булдожер ги сруши меѓународните позиции на државата