Во сенка на последниот ден од преодниот рок во НБА лигата се одиграа четири натпревари. Милвоки славеа во ЛА против Лејкерси, Денвер доживеаја непријатен пораз од Орландо, Феникс без Дурент се порезени во Атланта, а Бруклин славеа во дуелот со Чикаго.
Лидерот во Западната конференција, Денвер Нагетс загуби од Орландо Меџик 104:115. Никола Јокиќ со 29 поени, 12 скока и шест асистенции, односно Ерон Гордон со 37 поени не успеаја да му се спротивстават на мллдиот тим на Орландо, во чии редови седум играчи постигнаа двоцифрен број на поени.
Без Леброн Џејмс, но и играчите кои во Лос Анџелес пристигнаа во преодниот рок, Лејкерси немаа шанси против Милвоки Бакс (106:115). Јанис Адетокумбо со 38 поени, 10 скока и шест асистенции го предводеше Милвоки до победата. Кај Лејкерси се истакнаа Денис Шрудер со 25 поени, односно Ентони Дејвис со 23 поени и 16 скока.
Во слично сценарио, Феникс без новодојдениот Кевин Дурент, без играчите кои пристигнаа во клубот и без Девин Букер кој се опоравува од повредата загуби во Атланта со 116: 107. Џош Окоги постигна 25 поени за Санс, а Треј Јанг имаше 36 и 12 асистенции за Хокс.
Бруклин, исто така без играчи кои пристигнаа во замена за Дурент, го победи Чикаго со 116:105, а најдобар играч со 25 поени беше Спенсер Динвиди, кој пристигна во замена за Кајри Ирвинг од Далас. Младиот Кам Томас, кој постигна повеќе од 40 поени во три последователни натпревари, овојпат остана на 20 поени.
