Легендата на српската кошарка, Александар (Саша) Ѓорѓевиќ, е новиот селектор на Кина, потврди еден од најпознатите кошаркарски менаџери, Мишко Ражнатовиќ.
Официјалната кинеска новинска агенција „Сина“ тврди дека двете страни постигнале договор и дека Ѓорѓевиќ ќе заработува 1.000.000 долари годишно.
Ѓорѓевиќ е поранешен тренер на Панатинаикос, Виртус Болоња, Фенербахче и на репрезентацијата на Србија.
Со Србија освои три сребрени медали: 2014 година во Шпанија на Мундобаскетот, 2016 година на Олимписките игри во Рио де Жанеиро и во 2017 година во Турција на Евробаскетот.
