Околу 18.000 Сиријци го напуштија Јордан за да се вратат во својата земја по падот на сирискиот претседател Башар ал Асад на 8 декември, соопштија денеска јорданските власти.
„Околу 18.000 Сиријци се вратија во својата земја од падот на режимот на Башар ал Асад на 8 декември 2024 година до денеска“, изјави јорданскиот министер за внатрешни работи Мазен ал Фараја за државната телевизија Ал Мамлака.
Меѓу нив, 2.300 бегалци се регистрирани во ОН, додаде тој.
Јордан, кој дели 375 километри граница со својот сосед, прими околу 680.000 сириски бегалци регистрирани во Високиот комесаријат на ОН за бегалци.
Сепак, јорданските власти соопштија дека примиле околу 1,3 милиони раселени лица од почетокот на војната во Сирија во 2011 година.
