Попладнево избувна пожар во фабриката за кандирани производи и вафли „Винчини“ во Виница, кој зафатил дел од магацинот и неколку производни погони, информираат од Центарот за управување со кризи (ЦУК).
„Денес, во 18:40 часот, во ЦУК преку бројот Е-112 е добиена пријава за пожар во фабриката ‘Винчини’. Огнот го зафатил магацинот и производствените погони 6, 7 и 8. На терен веднаш излегле екипите на ТППЕ Виница со неколку противпожарни возила и пожарникари“, стои во соопштението.
ЦУК информира дека градоначалникот на Виница добил насока да побара дополнителна поддршка и помош од соседните општини. Веќе се ангажирани екипи од ТППЕ Кочани и ДПД Кочани, како и дополнителни ресурси, а поддршка е побарана и од Македонска Каменица и Штип.
„Со оглед на тоа дека станува збор за специфичен урбан пожар, неопходно е ангажирање исклучиво на професионални пожарникари“, нагласува директорот на ЦУК, Мухамед Али.
https://www.instagram.com/reel/DORVYegAqb8/?igsh=MThpNmx3a3ZjcGQxcA==
