Женската одбојкарска репрезентација на Македонија по долга пауза се врати на европска сцена. И покрај поразот, македонските одбојкарки сепак не разочараа.
Загубија на домашен терен од Австрија со 0:3 во сетови (15:25, 20:25, 15:25) во дебито во Сребрена Европска лига, но покажаа дека имаат потенцијал да напредуваат.
Македонските одбојкарки ќе играат дома и на следните два натпревари од ова европско натпреварување, против Естонија и против Летонија.
