Основното јавно обвинителство Битола поведе истражна постапка против 36-годишно лице, осомничено за сторено кривично дело разбојничка кражба. Според информациите од обвинителството, на 15 декември, околу 2 часот по полноќ, осомничениот влегол во незаклучена куќа на улицата „Елпида Караманди“ во Битола, каде пребарувал низ просториите и одзел 2.500 денари.
Кражбата ја забележал сопственикот на објектот, по што осомничениот, со цел да ги задржи украдените пари, физички го нападнал и му се заканил дека ќе го прободе со скалпел. Јавниот обвинител до судијата на претходна постапка од Основниот суд во Битола доставил предлог за определување мерка притвор.
