Рускиот претседател, Владимир Путин, го повика населението да се обедини во новата година.
„Сигурен сум дека се’ ќе биде во ред. Ќе продолжиме само напред“, рече рускиот претседател во новогодишното обраќање.
Без да ја спомене војната против Украина која почна во 2022 година, Путин ги пофали руските војници кои моментално се во акција.
„Вие кои го презедовте овој голем товар сте вистински херои“, рече тој.
„Војниците ќе ја штитат Русија и ќе обезбедат безбедност и стабилен мир за рускиот народ“, додаде Путин.
Новогодишното обраќање на претседателот, кое траеше три и пол минути, се емитува во секоја од 11-те временски зони во земјата.
