Австриските медиуми денеска пишуваат за уште еден шокантен случај на силување, откако две девојчиња (15 и 16 години) пријавиле дека биле сексуално злоставувани. Засега во овој случај има вкупно деветмина осомничени. Нападот наводно се случил ноќта меѓу 25 и 26 декември минатата година.
Двете девојчиња наводно рекле дека поканиле неколку познаници да се дружат во станот на родителите на 15-годишно момче.Наводно на забавата имало многу алкохол. Најмалку четворица мажи наводно ги нападнале девојчињата и сексуално ги злоставувале.
Како што потврди полицијата, јавното обвинителство води истрага против вкупно осум момчиња и едно девојче на возраст од 15 до 18 години. Станува збор за Турци, Срби и Австријци со миграциско потекло.
Осомничени се за силување или сексуална злоупотреба.
Напаѓачите, наводно, со мобилни телефони го снимиле злосторството врз девојчињата. Медиумите пишуваат за „масовно“ злоставување, за што сведочат и сцените.
Полицијата соопшти дека ги прегледува снимките од мобилните телефони. Сите осомничени се уште се во бегство.
Два слични инциденти неодамна се најдоа на националните наслови. Во Виена, исто така во декември, дванаесетгодишно девојче наводно било силувано во текот на неколку месеци – осомничени се вкупно 17 лица.
