Женева – Скопје беше линијата што ја бараше дијаспората и на нивно барање од оваа година стартуваме со редовни летови на релација Женева – Скопје. Втората значајна линија што ја воведуваме е од Париз од аеродрoмот Орли до Скопје. Во меѓувреме работам и на воведување и прекуокеански летови и таргет е северноамериканскиот континент, истакна вицепремиерот Николоски во гостувањето на ТВ Алфа.
Со промената на политиката на субвенционирање ги најдовме слабостите и решивме да одиме со нова политика и таа политика дава резултати бидејќи за шест месеци воведуваме 9 нови дестинации, додаде вицепремиерот Николоски.
Од Скопје воведени се нови линии кон Барселона, Лион, Дубаи, Штуtграт и Амстердам, а од Охрид кон Базел и Истанбул, за што вицепремиерот истакна дека овој е најзначен лет за охридскиот аеродром.
” Женева – Скопје е огромен успех. Голема македонска дијаспора живее во Швајцарија и во Франција. И ова многу ќе значи за нашата дијаспора, досега требаше да го користат приштинскиот аеродорм за да дојдат или да одат преку конектинг летови. И втириот лет е од Париз до Скопје, од аеродромот Орли кој што е само на петнаесетина километри од популарната Шанзелизе улица. Така што очекувам и многу туристи од Франција да доаѓаат во Македонија и да ја користа оваа поволност. Дополнително очекувам и други линии во наредниот период”, потенцираше вицепремиерот Николоски.
Тој најави и дека работи и на вовдување на прекуокеaнски летови.
“Многу работам на тоа. Toa e доста покомплицирана операција. Имајќи предвид дека се потребни посебни безбедносни протоколи, но исто така да се исплатливи тие летови треба да има и повеќе патници. Но сум умерен оптимист дека Скопје може да стане третиот аеродром на Балканот од каде што ќе се лета прекуокеански. За Скопје и за Македонија ќе значи многу ако имаме и ние ваков лет, тоа ќе значи многу за развој на туризмот, бизисот и ќе значи и за имиџот на Македонија бидеќи ќе биде на мапата на прекуокеански летови. Го таргетираме Северноамериканскиот континент”, истакна вицепремиерот Николоски.
