Утрински Весник
Магазин

„Нетфликс“ воведува мерки против споделување лозинки од профили

„Нетфликс“ воведува мерки против споделување лозинки од профили

„Нетфликс“ ќе започне голема операција со цел да го сузбие споделувањето лозинки од профили, односно можноста неколку корисници да ја делат претплатата.

dobivaj vesti na viber

Компанијата воведува промени за кои се надева дека ќе го спречи сегашниот тренд  на споделување еден профил меѓу повеќе корисници, дознава „Волстрит журнал“.

Стриминг-гигантот долго време имаше лежерен пристап кон луѓето кои споделуваат лозинки и профили. Иако официјално е забрането со правилата, компанијата генерално дозволуваше да се користат профили во различни домаќинства и на различни локации.

Сепак, за првпат по 10 години, во последните месеци компанијата забележа пад на приходите и намалување на бројот на претплатници. Еден одговор на кризата се чини дека е обид да им се отежне на претплатниците да делат профили.

„Нетфликс“ тестира некои од новите ограничувања во Америка, а тие вклучуваат функција која ги проверува луѓето за кои се сомнева дека го делат профилот и им наплаќа дополнителни три долари.

Компанијата, исто така, му дава на сопственикот на примарниот профил код што корисниците мора да го внесат за да добијат пристап до тој профил. Овој код се менува секој месец, што им отежнува на луѓето други да го користат нивниот профил.

Можете да прочитате

Еве зошто одењето е поздраво од трчањето

Ангелските души се раѓаат во овие три знаци! На нивната добрина и нема крај

Печурките имаат магично својство! Ја подобруваат меморијата и ја намалуваат анксиозноста