Израелскиот премиер Бенјамин Нетанјаху денеска изјави дека ќе направи се за да ја обезбеди слободата на вероисповед на муслиманите на Храмовата гора за време на Рамазан.
„Израел ќе се обиде да обезбеди слобода на вероисповед за муслиманите во комплексот на џамијата Ал Акса на Храмовата за време на Рамазан“, рече Нетанјаху на почетокот на состанокот на владата посветен на подготовките за муслиманскиот свет месец, кој треба да започне на 10 или 11 март.
Тој посочи дека политиката на Израел е да обезбеди слобода на вероисповед за сите религии.
„Ќе направиме сè за да ја обезбедиме слободата на богослужба на Храмовата гора, а притоа соодветно да ги спроведеме безбедносните мерки и на тој начин да и овозможиме на муслиманската јавност да го прослави празникот“, рече Нетанјаху.
На седницата присуствуваа министерот за одбрана Јоав Галант, министерот за надворешни работи Израел Кац, министерот за национална безбедност Итамар Бен Гвир, министерот за воен кабинет Гади Ајзенкот и други.
