Светлана Цеца Ражнатовиќ имаше инцидент со знамето на соседна Бугарија за време на нејзиниот концерт вчера во Велес. Имено, во еден момент таа го крена бугарското знаме и се обвитка во него, што предизвика свиркање од публиката со оглед на непријателските изјави кои ги добиваме за идентитетот од соседите.
Пејачката за естрадниот магазин Бекстејџ првпат проговори и отворено ја сподели својата страна на приказната за синоќа.
„Не е ништо необично што секогаш со радост го прифаќам секое знаме од мојата публика, затоа што тоа е мојата публика, мојот народ, моите луѓе. Нас не поврзува љубовта кон песната, без разлика од каде кој доаѓа. Жал ми е ако тој гест некого повредил, тоа навистина не ми била намерата, а особено не да ги навредам или повредам домаќините. Верувам дека тоа го знаете. Ви благодарам за прекрасната вечер, за убавата енергија, љубовта и спомените што заедно ги создадовме”
А за реакцијата на социјалните мрежи, Цеца вели:
„Реакциите се случија во салата, меѓу мене и мојата публика. Ние знаеме како поминавме што беше убаво, а што помалку убаво на концертот што траеше два часа. Тоа е она што е најважно.
Нема да се занимаваме со реакциите на социјалните мрежи, затоа што сите ние што таа вечер бевме заедно во Велес знаеме што навистина се случи. Ништо и никој не може да застане помеѓу мене и мојата публика”, рече таа.
